Tres gratitudes || Carrie Newcomer

(vía Traducciones (y otros textos), de Berna Wang)

 

Cada noite antes de me deitar

digo en voz alta

tres cousas polas que sinto gratitude,

todo o significativo, insignificante,

extraordinario e ordinario na miña vida.

É unha práctica miúda, humilde,

e malia todo, semella que así durmo mellor

sostendo o que leveda e reblandece a miña vida

sequera nun intre ao final do día.

A luz do sol e arandos,

cans boíños e calcetíns de lan,

unha choiva pequena,

un bo amigo,

alfábega e flox salvaxe,

a boa saúde de meu pai,

o traballo novo da miña filla,

unha canción que sempre me fai chorar,

e sempre na mesma parte,

tanto ten cantas veces a escoite.

Un café decente no aeroporto

e a túa respiración calmada,

as historias que me contaches,

os debuxos no xeo das ventás,

cornos ingleses, banjos,

as silveiras manchadas, os bechos de xuño,

a tensa tranquilidade de vidro do estanque na mañá,

un abrigo vello,

un poema novo,

o meu carné da biblioteca,

e que o meu coche siga movéndose

malia tódolos quilómetros.

 

E despois das tres cousas,

as máis das veces,

entro nunha xeira e continúo eternamente,

sigo nomeando e enumerando

ata que, deitada, sorrío

coas mantas subidas ata o queixo,

abraiada

ante a dozura de todo iso.

 

Three gratitudes, de Carrie Newcomer. Visto aquí.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s